Zai Awng tsin-yam dabang hta namdum naw ra kadawn nga
Jinghpaw Mungdaw Maimaw ginwang Miwa ga jarit Zai Awng tsin-yam dabang hta namdum n law ai majaw mayak mahkak hkrum nga ai lam tsin-yam dabang kawn chye lu ai.
Lai wa sai March shata hta Health Unlimited (HU) kawn galaw ya ai Nam dum ni hta nta 7 kaw langai jawm lang na hku galaw da ya sai raitim ra rawng nga dingyang re hpe dabang na lit nga ai ni tsun ai.
“Ya yang ra rawng nga ai le i.. nkau mi gaw namdum dingsa na kawk ni bai la lang ai. Nkau namdum ni gaw hten wa sai re majaw grai yak hkak ai” nga tsin-yam dabang a lit nga ai wa langai KNG Jinghpaw Shiga Dap de tsun ai.
Zai Awng tsin-yam dabang e dinghku yawng 600 jan nga ai hta February shata htum maga Health Unlimited (HU) kawn tsin-yam masha ni a hkamja lam shadang tsaw lu na matu namdum yawng 80 garum jaw sai raitim, n law n la byin taw nga ai lam chye lu ai.
Dum nta law malawng gaw hka lang namdum law ai raitim htinggaw 50 jan gaw nhkun htu ai namdum ni sha jai lang nga ai majaw dabang Hkam Ja Dap kawn nhkun htu ai namdum ni hpe hku magap na matu lajang nga ai hta, na na lang na rai yang hkam ja lam a matu n hkrak ai nga tsun ai.
Dai dabang hta tsin-yam masha ni hkam ja lam n-gun yawm dingyang rai nga nna, ya ten jahkru ai ni, kan ana byin ai ni, hkum gaya gayoi byin ai ni tsi jaw gawk de lani mi marai 20 n yawm sa madun ai lam tsin-yam dabang kawn chye lu ai.
Dabang kata nhpu htat ai tsin-yam, n san seng ai malu masha sha ai mabyin, hka n law lang ai manghkang hte namdum n law ai mayak ni a majaw hkam ja lam kaw hkra shangun ai nga Hkam Ja Dap kawn sawn maram ma ai.
Dai Hkam Ja Dap kaw na mung tsi mawan nkau kadawn nga ai majaw ya yang jahkru ai hte seng ai tsi mawan ni, kan ana ni, gaya ai ana ni, ma kaji hte sak kung ni a matu tsi mawan ni madung ra nga ai lam Hkam Ja Dap kawn tsun ai.
Zai Awng tsin-yam dabang hta Sin Wawp ana byin ai ngu mai tsun ai masha marai 20 jan nga nna dai ni gaw Ginjaw Laiza (AZG) Tsi Jaw Gawk de sa du na, gumhpraw mayak a majaw n lu sa jep ai lam chye lu ai.
Jinghpaw Wunpawng Hkalup Hpung Ginjaw (KBC) gaw dai tsin-yam masha ni a matu dinghku langai hta ginsum langai galaw ya ai majaw January shata kaw na nta atsawm lu rawng sai raitim, ya ten hta namdum n law lang ai lam chye lu ai.
Dai zawn Sin Wawp ana kumla re ngu shadu ai ni hpe Laiza kaw nga ai Amerikan mungdan na sa ai Kachin Relief kawn jahpan galaw shangun tim ya ten du hkra nhtang shana wa ai lam n nga ai hpe chye lu ai.
Zai Awng tsin-yam dabang gaw Waimaw ginwang kata kaw rai nhtawm Myen asuya hte Wunpawng Mungdang Shanglawt Hpyen Dap (KIA) a Dap Nawng ginra hpe lai di ra nna hkrun lam grai yak ai majaw ten dep garum na yak la ai dabang langai mung rai nga ai.
Lai wa sai March shata hta Health Unlimited (HU) kawn galaw ya ai Nam dum ni hta nta 7 kaw langai jawm lang na hku galaw da ya sai raitim ra rawng nga dingyang re hpe dabang na lit nga ai ni tsun ai.
“Ya yang ra rawng nga ai le i.. nkau mi gaw namdum dingsa na kawk ni bai la lang ai. Nkau namdum ni gaw hten wa sai re majaw grai yak hkak ai” nga tsin-yam dabang a lit nga ai wa langai KNG Jinghpaw Shiga Dap de tsun ai.
Zai Awng tsin-yam dabang e dinghku yawng 600 jan nga ai hta February shata htum maga Health Unlimited (HU) kawn tsin-yam masha ni a hkamja lam shadang tsaw lu na matu namdum yawng 80 garum jaw sai raitim, n law n la byin taw nga ai lam chye lu ai.
Dum nta law malawng gaw hka lang namdum law ai raitim htinggaw 50 jan gaw nhkun htu ai namdum ni sha jai lang nga ai majaw dabang Hkam Ja Dap kawn nhkun htu ai namdum ni hpe hku magap na matu lajang nga ai hta, na na lang na rai yang hkam ja lam a matu n hkrak ai nga tsun ai.
Dai dabang hta tsin-yam masha ni hkam ja lam n-gun yawm dingyang rai nga nna, ya ten jahkru ai ni, kan ana byin ai ni, hkum gaya gayoi byin ai ni tsi jaw gawk de lani mi marai 20 n yawm sa madun ai lam tsin-yam dabang kawn chye lu ai.
Dabang kata nhpu htat ai tsin-yam, n san seng ai malu masha sha ai mabyin, hka n law lang ai manghkang hte namdum n law ai mayak ni a majaw hkam ja lam kaw hkra shangun ai nga Hkam Ja Dap kawn sawn maram ma ai.
Dai Hkam Ja Dap kaw na mung tsi mawan nkau kadawn nga ai majaw ya yang jahkru ai hte seng ai tsi mawan ni, kan ana ni, gaya ai ana ni, ma kaji hte sak kung ni a matu tsi mawan ni madung ra nga ai lam Hkam Ja Dap kawn tsun ai.
Zai Awng tsin-yam dabang hta Sin Wawp ana byin ai ngu mai tsun ai masha marai 20 jan nga nna dai ni gaw Ginjaw Laiza (AZG) Tsi Jaw Gawk de sa du na, gumhpraw mayak a majaw n lu sa jep ai lam chye lu ai.
Jinghpaw Wunpawng Hkalup Hpung Ginjaw (KBC) gaw dai tsin-yam masha ni a matu dinghku langai hta ginsum langai galaw ya ai majaw January shata kaw na nta atsawm lu rawng sai raitim, ya ten hta namdum n law lang ai lam chye lu ai.
Dai zawn Sin Wawp ana kumla re ngu shadu ai ni hpe Laiza kaw nga ai Amerikan mungdan na sa ai Kachin Relief kawn jahpan galaw shangun tim ya ten du hkra nhtang shana wa ai lam n nga ai hpe chye lu ai.
Zai Awng tsin-yam dabang gaw Waimaw ginwang kata kaw rai nhtawm Myen asuya hte Wunpawng Mungdang Shanglawt Hpyen Dap (KIA) a Dap Nawng ginra hpe lai di ra nna hkrun lam grai yak ai majaw ten dep garum na yak la ai dabang langai mung rai nga ai.
No comments:
Post a Comment